У Беларусі могуць забраць яшчэ і этап Кубка свету па біятлоне ў наступным годзе
У лістападзе 2018 года было вырашана, што адзін з этапаў Кубка свету па біятлоне сезона 2021-2022 можа прайсці ў Раўбічах. Планавалася на 28 лютага — 6 сакавіка, акурат пасля зімовай Алімпіяды ў Пекіне.
Прэсбол
Зараз Міжнародны саюз біятланістаў прысвоіў этапу статус непацверджанага ў сувязі са становішчам у Беларусі. Рашэнне аб правядзенні гэтага этапу будзе прынята не пазней за верасень 2021 года, паведамляе ТАСС са спасылкай на прэс-службу арганізацыі.
Адзначаецца, што выканкам арганізацыі прыме рашэнне не пазней за верасень, зыходзячы з сітуацыі ў краіне і яе перспектыў на той момант.
Раней супраць правядзення этапа Кубка свету ў Мінску выступіў Беларускі фонд спартыўнай салідарнасці.
У Беларусі ўжо забралі права правядзення ЧС па хакеі і ЧС па сучасным пяцібор'і.
