17-гадовы Цімур, якога ўчора дапытвалі пасля комы, зноў апынуўся ў рэанімацыі. Пад канвоем
Як стала вядома «Нашай Ніве», 17-гадовага Цімура М. перавялі ў рэанімацыю.
«Учора пасля допыту ў Следчым камітэце ў Цімура здарыўся посттраўматычны прыступ. Цяпер ён знаходзіцца ў 2-й гарадской клінічнай бальніцы ў рэанімацыі пад канвоем. Яго стан цяпер невядомы», — расказала «Нашай Ніве» крыніца.
Нагадаем, хлопец ляжаў у рэанімацыі 3-й дзіцячай бальніцы Мінска, куды трапіў 13 жніўня.
Хлопец знаходзіўся нейкі час у медыкаментознай коме, яго даставілі ў бальніцу з аддзялення міліцыі з чэрапна-мазгавой траўмай, страсеннем галаўнога мозгу, адкрытым пераломам скула-арбітальнага комплексу, сутаргавым сіндромам, параарбітальнай гематомай справа, множнымі ўдарамі мяккіх тканак і канечнасцяў, траўматычнымі эрозіямі рагавіцы абодвух вачэй.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера