Лукашэнка: Мы ніколі не будзем мірыцца з тым, што ў Гродне вывешваюць на балконах польскія сцягі
Аляксандр Лукашэнка, узгадняючы прызначэнні, зноў выказаўся пра знешняе ўмяшанне ва ўнутраныя справы краіны, піша БелТА.
Ён заўважыў, што кіраўніцтва Літвы часта крытыкуе Беларусь, заяўляючы, што ў краіне абрынулася эканоміка і ў цэлым усё не так. «Я ўжо сказаў: у вас было каля чатырох мільёнаў чалавек ці нават больш у савецкія часы. Чаму ў такой прасунутай, рэфармаванай краіне, як Літва, не засталося людзей? Па-мойму, там куча праблем, якія трэба вырашаць. І не трэба займацца праблемамі суседзяў, якія да цябе па-добраму ставіліся і яшчэ ў нейкай ступені кармілі і кормяць, працуючы ў партах і гэтак далей», — сказаў Аляксандр Лукашэнка.
Выказаўся ён і пра беларуска-польскія адносіны.
«Яны бачаць, што ў нас у Беларусі палякі жывуць. Але гэта нашы беларускія палякі. Мы з імі жылі ў міры і згодзе чвэрць стагоддзя пры ўладзе Лукашэнкі, і ніколі не было праблем. Але, вядома, мы ніколі не будзем мірыцца з тым, што ў Гродне вывешваюць польскія сцягі на балконах і ўжо ў адкрытую заяўляюць: пры распадзе Беларусі Гродзенская вобласць адыдзе Польшчы. Ды нікуды яна не адыдзе. Ніхто не дазволіць разваліць Беларусь, і ў нас для гэтага метадаў і мер звышдастаткова», — заявіў ён
