Лукашэнка пра апошнія падзеі ў Мінску: Трэба звязацца з Пуціным
Лукашэнка сёння на нарадзе ў Мінску выказаўся на тэму апошніх падзей, піша БелТА.
«Мы бачым, што адбываецца. Нас закалыхваць не трэба мірнымі акцыямі і дэманстрацыямі. Мы бачым, што ў глыбіні адбываецца. Мы вельмі добра гэта бачым. І потым, мы ж метадычкі чыталі каляровых рэвалюцый. Больш за тое, да метадычкі каляровых рэвалюцый (гэта асаблівасць, пра гэта мы будзем казаць сёння ў Мінабароны ў Цэнтры стратэгічнага кіравання) ужо з'явіліся элементы знешняга ўмяшання», — заявіў ён.
«Гэта значыць тое, што я казаў, — фактычна па сцэнары разгортваецца агрэсія супраць Беларусі. Трэба звязацца з Пуціным, прэзідэнтам Расіі, каб я мог з ім перамовіцца цяпер. Таму што гэта ўжо пагроза не толькі Беларусі. Ведаеце, некаторыя расіяне, я гляджу, там занадта разумныя, пачынаюць крычаць: вось, Беларусь, так, не гэтак… Я хачу сказаць, што абарона сёння Беларусі — гэта не менш, чым абарона ўсёй нашай прасторы, Саюзнай дзяржавы, і прыклад іншым. Калі беларусы не вытрымаюць, пакоціцца гэтая хваля туды. Таму за нас так ўчапіліся», — падкрэсліў ён.
«Гэтыя, якія блукаюць па вуліцах, яны ж гэтага ў большасці сваёй не разумеюць. Гэта разумеюць тыя, хто каардынуе і накіроўвае. І вы бачыце — часам працуюць прафесійна: пастановачныя кадры, фэйкі.
У мяне, аказваецца, ужо знайшлі ў Маскве нейкі дом. Я зараз публічна хачу сказаць: знайшлі — забярыце яго. У мяне ў Беларусі ўласнасці няма, акрамя рэзідэнцыі афіцыйнай, дзе я жыву ў вёсцы. Не, вось гэтыя пачынаюць фэйкі.
Аказваецца, я ўжо з краіны з'ехаў пазаўчора, аказваецца, я не тое памёр, не тое захварэў. І гэта ўсё круціцца. Для чаго? Каб у народа стварыць вось гэты агідненькі настрой. Не атрымаецца.
Мы гэтага дапусціць не павінны», — заявіў Лукашэнка.
