У Баранавічах хлопец забіўся, упаўшы з балкона на 6-м паверсе

Пра гэта БелТА паведаміў прадстаўнік па Брэсцкай вобласці Дзмітрый Іванюк.

Няшчасны выпадак здарыўся днём 30 мая. На зямлі каля шматпавярховага дома мінакі выявілі мужчыну з цялеснымі пашкоджаннямі. Пацярпелага даставілі ў бальніцу, дзе ён памёр. Яшчэ знаходзячыся ў свядомасці, ён растлумачыў медыкам, што ўпаў самастойна.

Гэта 30-гадовы жыхар Івацэвіцкага раёна. Мяркуецца, ён выпаў з балкона на шостым паверсе. Прыкмет здзяйснення супрацьпраўных дзеянняў у дачыненні да мужчыны не ўстаноўлена.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0