Прэзідэнт Літвы прапаноўвае прамыя выплаты малым прадпрыемствам, на якіх працуе да 9 чалавек
Прэзідэнт Літвы Гітанас Наўседа прапануе, каб дзяржава запланавала прамыя выплаты малым прадпрыемствам, на якіх занята да дзевяці чалавек, каб дапамагчы ім перажыць звязаны з каранавірусам крызіс, паведамляе Delfi.
Дарадца прэзідэнта Вайда Чэснулявічуце сказала BNS, што офіс прэзідэнта ўнёс такую прапанову ва ўрад на мінулым тыдні. Пытанне аб дадатковай падтрымцы бізнэсу Кабмін разгледзіць пазней у сераду. Сума такіх выплат магла б залежаць ад выплачаных прадпрыемствамі падаткаў. «Мы прапануем усталяваць памер выплаты прапарцыянальнай суме выплачаных прадпрыемствам на працягу 2019 года падаходнага падатку, узносаў у Sodra (Фонд сацыяльнага страхавання), узносаў па абавязковым страхаванні здароўя», -= сказала ў сераду BNS дарадца прэзідэнта.
Кожнаму прадпрыемству выплачвалася б 25% выплачаных ім у мінулым годзе падаткаў, незалежна ад колькасці работнікаў. Такім чынам, дапамога была б большай прадпрыемствам, у якіх больш работнікаў, якія плацяць больш высокі заробак», — дадала В. Чэснулявічуце.
Прадпрыемствы з колькасцю работнікаў менш за 9 складаюць траціну ўсіх дзеючых у Літве прадпрыемстваў — 33 тыс. са 100 тыс. На іх занятая прыкладна адна дзясятая работнікаў прыватнага сектара (104 тыс.), паведамляе прэзідэнцкае ведамства.