У Гродне на пажары загінуў кватарант

Паведамленне аб пажары ў кватэры ў Гродне па вуліцы Дзяржынскага паступіла ратавальнікам раніцай 30 сакавіка, паведамляе прэс-служба АУ МНС Гродзеншчыны.

Агнём была знішчана маёмасць у жылым пакоі, на балконе, закураны сцены, столь у кватэры і пад'ездзе, пашкоджана балконная рама паверхам вышэй. У жылым пакоі на ложку выяўлена абгарэлае цела кватэраздымшчыка.

Работнікі МНС выратавалі 6 чалавек, 32 эвакуіравалі, адзін з іх — з траўмай. Прычына пажару высвятляецца.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0