У Беларусі 36 выпадкаў каранавіруса, 35 з іх у лёгкай форме
У Беларусі зарэгістравана 36 лабараторна пацверджаных выпадкаў каранавіруса, паведамляе Мінздароўя.
На сённяшні дзень у Беларусі COVID-19 у 5-ці студэнтаў БДУ, у якіх папярэдні тэст даў станоўчы вынік на COVID-19, паўторны аналіз пацвердзіў наяўнасць РНК віруса.
Аднак ні ў кога з іх клінічных праяў хваробы не выяўлена.
За выходныя зарэгістраваныя станоўчыя тэсты у 4-х грамадзян Беларусі, што прыбылі з Мюнхена, Амстэрдама і Масквы. Усе пацыенты былі ізаляваны ў момант вяртання з-за мяжы. Іх найбліжэйшыя кантакты таксама ўжо шпіталізаваны.
Такім чынам, у Рэспубліцы Беларусь на сённяшні момант зарэгістравана 36 пацыентаў з станоўчым лабараторным тэстам на наяўнасць РНК каранавіруса. Тры пацыенты выпісаны, трое - рыхтуюцца да выпіскі. У 8 маюцца мінімальныя прыкметы інфекцыйнага працэсу, праводзіцца неабходная тэрапія згодна з зацверджанай інструкцыяй. Адзін з пацыентаў знаходзіцца ў стане сярэдняй ступені цяжкасці з станоўчай дынамікай. У астатніх пацыентаў прыкмет інфекцыйнага працэсу няма.
За апошнія суткі выканана даследаванне на каранавірус 950 узораў. Яшчэ амаль 200 знаходзяцца ў рабоце. Усяго з пачатку лютага спецыялісты РНПЦ эпідэміялогіі і мікрабіялогіі ўжо правялі больш за 16 тыс. тэстаў на COVID-19.
