МАРГ: Цана тавару са зніжкавай картай не павiнна быць больш буйнога шрыфту, чым базавая
Кошт тавару са зніжкавай картай не павiнен быць пазначаны на цэнніку больш буйным шрыфтам, чым асноўная цана, паведаміла начальнік упраўлення абароны правоў спажыўцоў і кантролю за рэкламай МАРГ Іна Гаўрыльчык, перадае БЕЛТА.
Іна Гаўрыльчык нагадала, што ў працэсе лібералізацыі ў гандлі МАРГ спрасціў патрабаванні да цэннікаў. Аднак некаторыя прадаўцы звяртаюцца да метадаў, якія могуць увесці пакупніка ў зман. Напрыклад, цана, якая прадастаўляецца пакупніку са зніжкавай картай, паказваецца вельмі буйна, а асноўная цана — меншым шрыфтам. У пакупніка складваецца ўражанне, што кошт, надрукаваны больш буйным шрыфтам, — асноўны, і толькі на касе высвятляецца, што гэта не так.
«Бачачы такую праблему, МАРГ сабраў прадстаўнікоў буйных гандлёвых сетак і прапанаваў у рамках самарэгулявання гэтую сітуацыю змяніць. Гэта значыць, што асноўная цана паказваецца буйна, дадатковая інфармацыя — крыху менш», - патлумачыла Іна Гаўрыльчык.
Аднак не ўсе выканалі гэтыя рэкамендацыі. «Сёння Міністэрства антыманапольнага рэгулявання і гандлю гатовае да ўнясення змяненняў у заканадаўства аб гандлі, каб памяняць гэтую сітуацыю. Гэта значыць з лібералізацыяй, на жаль, не ўсе гандлёвыя арганізацыі справіліся», — канстатавала прадстаўнік МАРГ.
