У БДУІР выплацяць па 50 рублёў першакурснікам, якім не хапіла месца ў інтэрнаце
bsuir.com
У гэтым годзе ў Беларускім дзяржаўным універсітэце інфарматыкі і радыёэлектронікі ў інтэрнаты засялілі больш за 70% першакурснікаў. Усім, хто яшчэ мае патрэбу ў жыллі, у ВНУ абяцаюць дапамагчы на працягу кастрычніка. Пакуль жа тым студэнтам першага курса, якія здымаюць пакоі або кватэры, БДУІР выдзеліць разавую матэрыяльную дапамогу ў памеры 50 рублёў, піша Tut.by.
— Для гэтага студэнту трэба будзе напісаць заяву на матэрыяльную дапамогу, - тлумачыць механізм Дзмітрый Кузняцоў, прарэктар па выхаваўчай працы ўніверсітэта.
Ужо з кастрычніцкай стыпендыяй грошы прыйдуць студэнтам на картку.
— Ва універсітэце і раней аказвалі матэрыяльную дапамогу студэнтам, — працягвае Дзмітрый Кузняцоў. — Напрыклад, ёсць матэрыяльная дапамога на харчаванне. Сутнасць яе ў тым, што з 1 кастрычніка і да канца семестра сто хлопцаў і дзяўчат атрымліваюць талоны, на якія яны могуць паабедаць або ўзяць прадукты ў нашай сталовай. Сорак чалавек з гэтай сотні — першакурснікі.
Усяго ў БДУІР чатыры інтэрнаты. Ва ўніверсітэце ўжо засялілі больш за 80 працэнтаў студэнтаў розных курсаў. Усім, каму яшчэ патрэбна дах над галавой, абяцаюць дапамагчы ў бліжэйшы час. Каб гэта зрабіць, ВНУ заключыў дамовы з шэрагам устаноў адукацыі і прадпрыемстваў-партнёраў, якія гатовыя даць месцы ў сваіх інтэрнатах для будучых праграмістаў.
