Крышціяну Раналду адмовіўся насіць нашыўку найлепшага гульца чэмпіянату Італіі
Фота з інстаграма Крышціяну Раналду
Форвард «Ювентуса» Крышціяну Раналду адмовіўся насіць на форме нашыўку найлепшаму гульцу мінулага сезона чэмпіянату Італіі. Паводле інфармацыі Marca, ён прыняў такое рашэнне, бо не хоча ставіць сябе вышэй за партнёраў па камандзе.
Раналду стаў адзіным, хто адмовіўся насіць падобную нашыўку сярод гульцоў чэмпіянату Італіі, якія атрымалі ўзнагароды па выніках мінулага сезона.
У стартавых гульнях першынства значкі найлепшых гульцоў былі заўважаны на формах у найлепшага галкіпера мінулага сезона Саміра Ханданавіча, найлепшага абаронцы Каліда Кулібалі, найлепшага паўабаронцы Сяргея Мілінкавіча-Савіча, найлепшага форварда Фабіа Квальярэлы і найлепшага маладога гульца Ніколы Дзаньола.
Раналду выступае за «Ювентус» з лета мінулага года. Футбаліст перайшоў у турынскі клюб з «Рэала» за € 100 млн.
