Меліціну Станюту не пусцілі на вуліцу імя яе прабабулі, якую перакрыла «Дана»

Міліцыянерка не пусціла гімнастку Меліціну Станюту на вуліцу, якая названая ў гонар яе прабабулі — знакамітай культавай акцёркі Стэфаніі Станюты. Вуліца знаходзіцца на ўскрайку Мінска на тэрыторыі катэджнага пасёлка сербскай кампаніі «Дана». Пра гэта гімнастка піша ў сваім інстаграме.

Станюта сцвярджае, што на ўваходзе на вуліцу, агароджаную плотам, міліцыянерка не пусціла гімнастку без дазволу, спасылаючыся, што на вуліцы ідзе нейкая будоўля. У кантакт-цэнтры Dana Holdings Станюту накіравалі ў аддзел продажаў, дзе «пайшлі падумаць і паклалі слухаўку».

View this post on Instagram
В Минске есть улица имени Стефании Станюты . Но прогуляться мне по ней оказалось крайне проблематично . ⠀ На входе в эту улицу за забором милиционер отправила меня за разрешением на прогулку по этой улице в Дана молл , ссылаясь на то , что там идет какая-то стройка . " Иначе вас заберут❌❌ " были ее слова . ⠀ Позвонила , в контакт-центр @danamallminsk с этой просьбой ( пустить погулять ‍♀️ ) . Там удивились и направили в отдел продаж . Там тоже удивились , ушли думать ‍♀️ и повесили трубку . ⠀ Как правнучке и внуку пройтись по улице прабабушки ? ⠀
A post shared by Melitina Staniouta (@melitinastaniouta) on Aug 12, 2019 at 8:37am PDT

Побач з Цнянскім вадасховішчам сербскі інвестар пабудаваў 14 катэджаў, якія ў свабодны продаж не паступалі. Пад’езд да іх атрымаў назву «вуліца Стэфаніі Станюты». Хто жыве ў гэтых элітных катэджах, пакуль невядома.

Пасёлак злева адносіцца да вуліцы Стэфаніі Станюты. Дарога да яе схаваная на карце лесам. Пасёлак справа адносіцца да вуліцы Кальцова. Спадарожнікавая карта Яндэкса.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ