Памерла Ніна Мазай — адна з самых высокапастаўленых жанчын у Беларусі ў 1980-я

Ніне Мазай было 69 гадоў. Цягам свайго жыцця яна займала надзвычай высокія дзяржаўныя пасады. Ураджэнка Палесся, выпускніца Капаткевіцкай сярэдняй школы, дырэктарам якой, дарэчы, быў бацька Святланы Алексіевіч, у структуры ўлады яна прыйшла з камсамола.

Ніна Мазай была дэпутатам Вярхоўнага Савета БССР, у 1985-1991 гадах займала пасаду намесніка старшыні Савета Міністраў БССР. Была ў ліку першых паслоў суверэннай Беларусі: узначальвала беларускія дыпламатычныя місіі ў Францыі і Канадзе, была пастаянным прадстаўніком Беларусі пры ЮНЕСКА.

У 1997—1999 год працавала намеснікам міністра замежных спраў Беларусі. Да 2012 Ніна Мазай займала сенатарскае крэсла, была старшынёй Фонду па падтрымцы таленавітай моладзі пры прэзідэнце Беларусі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0