Мітрапаліт РПЦ: Салдаты ў пачатку Вялікай Айчыннай былі бязбожнікамі, таму загінулі
У пачатку Вялікай Айчыннай вайны ў асноўным гінулі нехрышчоныя салдаты Чырвонай арміі за тое, што былі бязбожнікамі.
Пра гэта сказаў мітрапаліт РПЦ Белгарадскі і Старааскольскі Іаан на вечары памяці гадавіны пачатку Вялікай Айчыннай вайны. Відэа яго выступу апублікавана ў Telegram-канале «Белгарад № 1», дзе заяву мітрапаліта назвалі «неадназначнай».
«Ёсць вельмі паказальны для ўсіх нас урок. У першыя месяцы вайны больш за 60% Чырвонай арміі, г.зн. маладых байцоў, якія былі народжаныя ўжо ў бязбожны час, большасць з іх не былі ахрышчанымі <…> яны былі забітыя», — сказаў святар.
Паводле яго слоў, гэта была «несувымерная ахвяра, якая была прынесена за бязбожнасць». «І вайну выйгралі хрышчоныя людзі, тыя, хто былі пакліканыя, каб духоўна перамагчы», — дадаў уладыка.