Зяленскі абвясціў пра роспуск Вярхоўнай Рады
УНІАН
Уладзімір Зяленскі, які ўступіў на пасаду прэзідэнта Украіны, абвясціў пра роспуск Вярхоўнай Рады восьмага склікання. Пра гэта ён заявіў у сваёй прамове пасля інаўгурацыі ў парламенце.
Ён таксама прапанаваў падаць у адстаўку ўраду Украіны і «вызваліць месца для будучых пакаленняў».
Парламентарыяў Зяленскі заклікаў прыняць законы аб зняцці дэпутацкай недатыкальнасці і пра крымінальную адказнасць за незаконнае ўзбагачэнне, а таксама звольніць кіраўніка СБУ, генпракурора і міністра абароны Украіны.
«І гэта далёка не ўсё, што вы можаце зрабіць. Але для пачатку дастаткова. У вас на гэта 2 месяцы. Зрабіце гэта і павесьце медалі сабе. Някепскія балы на датэрміновыя парламенцкія выбары. Я распускаю Вярхоўную Раду 8-га склікання. Слава Украіне!» — заявіў Зяленскі.