Лукашэнка: Беларусь адкрыта для сяброўскіх і дзелавых адносін з усімі дзяржавамі
Пра гэта Аляксандр Лукашэнка заявіў сёння на цырымоніі ўручэння даверчых грамат пасламі замежных краін.
«Наша краіна славіцца сваёй гасціннасцю. Мы адкрытыя для дружалюбных і дзелавых узаемаадносін з усімі дзяржавамі. Упэўнены, вам будзе камфортна ажыццяўляць свае дыпламатычныя функцыі. Таму што асновы нашай знешняй палітыкі - міралюбнасць і шматвектарнасць, узважанасць, паслядоўнасць і прадказальнасць, — сказаў беларускі лідар. — і тыя, хто падзяляе гэтыя падыходы, хто прыходзіць да нас з мірам і добрымі намерамі, заўсёды знойдуць у Беларусі разуменне і падтрымку ў рэалізацыі ўсіх канструктыўных планаў і ідэй».
Даверчыя граматы кіраўніку беларускай дзяржавы ўручылі дыпламаты з Беніна, Бразіліі, Даніі, Іспаніі, Емена, Рэспублікі Карэя, Мальты, Славеніі, Уганды.
