Стан Дзмітрыя Быкава прызналі цяжкім
Фота Радыё Свабода
Стан расійскага пісьменніка Дзмітрыя Быкава застаецца стабільна цяжкім. Пра гэта ў прэс-службе міністэрства аховы здароўя Рэспублікі Башкартастан паведамілі РБК ў сераду.
Прадстаўнікі рэгіянальнага Міністэрства аховы здароўя падкрэслілі, што ў Быкава падазраюць інсульт, аднак дыягназ не пацверджаны. «З ім працуюць найлепшыя рэспубліканскія спецыялісты», - запэўнілі яны, дадаўшы, што сітуацыя знаходзіцца на кантролі ў в.а кіраўніка рэспублікі Радзія Хабірава.
Раней у сераду сябар Быкава, галоўны рэдактар «Эхо Москвы» Аляксей Венядзіктаў заявіў, што ніякага інсульту ў пісьменьніка няма. Паведамлялася таксама, што публіцысту паставілі папярэдні дыягназ «вострае парушэнне кровазвароту галаўнога мозгу».
Дзмітрыю Быкаву стала дрэнна падчас пералёту з Екацярынбурга ва Уфу, дзе павінна была адбыцца яго лекцыя. Па словах крыніц, пісьменнік быў шпіталізаваны ў аддзяленне нейрарэанімацыі і трапіў у кому.
