Лукашэнка пагаварыў з жыхарамі Баранавічаў пра цэны і заробкі
president.gov.by
Аляксандр Лукашэнка пасля сустрэчы з актывам Баранавічаў і Баранавіцкага раёна пагутарыў з мясцовымі жыхарамі, піша БелТА.
Заўважыўшы на вуліцах прэзідэнцкі картэж, гараджане сабраліся каля будынка гарвыканкама ў чаканні кіраўніка дзяржавы. Выйшаўшы з будынка, Аляксандр Лукашэнка накіраваўся да іх.
Хутка размова перайшла да больш сур'ёзных тэмаў. У першую чаргу жыхары Баранавічаў спыталі, чаму растуць цэны на некаторыя прадукты, напрыклад, мяса курыцы. Ён падкрэсліў, што з неабгрунтаваным ростам цэн у краіне будуць змагацца.
«Старшыня Камітэта дзяржаўнага кантролю прапануе адрадзіць народны кантроль. Прафсаюзам я даручаў, каб яны глядзелі за цэнамі і інфармавалі мяне. Мы паглядзім, хто тут зараз пачынае жартаваць з гэтымі цэнамі. Бо няма падстаў для іх росту. Гэта ўжо залазяць у кішэні», — сказаў кіраўнік дзяржавы.
У той жа час ён растлумачыў, што часам прадпрыемствы вымушаныя падымаць цэны на сваю прадукцыю, і тады яна даражэе ў крамах. «Вы не думайце, што павысілася цана на халадзільнік, і гэта я забраў гэтыя грошы. Не, гэтыя грошы «Атлант», які вырабляе, і атрымаў. Не скажу, што ў іх усё добра, але яны імкнуцца, — прывёў прыклад Аляксандр Лукашэнка. - Мы кантралюем і глядзім. Дзесьці аб'ектыўна выраслі цэны».