У Гродне мужчына забіў сякерай сабаку, які пакусаў яго

Здарэнне адбылося ў прыватным доме па вуліцы Галовічы. Там у 49-гадовага гарадзенца пражывае сем сабак, паведамляе абласная міліцыя.

У нядзелю днём два сабакі выбеглі з-за агароджанай тэрыторыі і забеглі ў двор да суседа. 33-гадовы гаспадар дома хацеў прагнаць дварнякоў. Адзін сабака ўцёк, а другі ўкусіў за руку, пасля чаго збег.

Праз некалькі хвілін пацярпелы ў кустах убачыў сабаку, узяў сякеру і абухом некалькі разоў ударыў. Перакінуў сабаку цераз плот да суседа, мужчына сам выклікаў міліцыю і расказаў пра здарэнне гаспадару.

Міліцыя дадае, што ніякіх дакументаў на сабак у гаспадара жывёл не было.

0

0

0

0

0

0