Выбары ва Украіне: крымскія татары падтрымалі Парашэнку
Меджліс крымскататарскага народа падтрымаў кандыдата ў прэзідэнты Пятро Парашэнку на выбарах, якія адбудуцца 31 сакавіка. Адпаведнае рашэнне апублікаваў кіраўнік Меджліса Рэфат Чубараў.
«Пасля афіцыйнай рэгістрацыі Пятра Парашэнкі кандыдатам у прэзідэнты Украіны рашэнне, раней прынятае «за аснову» было накіравана членам Меджліса для ўнясення імі магчымых дапаўненняў і змен. З іх улікам рашэнне было прынята і падпісана 27 лютага», — паведаміў Чубараў.
У рашэнні ўказана, што члены Меджліса «вырашылі выказаць падтрымку прэзідэнту і заклікалі грамадзян падтрымаць яго кандыдатуру галасаваннем для абрання прэзідэнтам на новы тэрмін».
Таксама члены Меджліса заклікалі грамадзян Украіны, якія пражываюць на тэрыторыі акупаванага Крыма, прыняць удзел у выбарах на участках, размешчаных на мацерыковай частцы Украіны.