У Эфіопіі разбіўся «Боінг» са 157 людзьмі: ніхто не выжыў
Месца катастрофы. Фота Ethiopian Airlines.
Boeing 737, які выконваў рэйс Адыс-Абеба — Найробі ўпаў у Эфіопіі. На яго борце было 149 пасажыраў і 8 членаў экіпажу.
Пра гэта паведаміла адміністрацыя прэм'ер-міністра краіны.
The Office of the PM, on behalf of the Government and people of Ethiopia, would like to express it’s deepest condolences to the families of those that have lost their loved ones on Ethiopian Airlines Boeing 737 on regular scheduled flight to Nairobi, Kenya this morning.
Офіс прэм'ер-міністра ў Твітары выказаў «найглыбейшыя спачуванні» сем'ям загінулых.
Самалёт разбіўся праз шэсць хвілін пасля ўзлёту і ўпаў, мяркуецца, каля горада Бішофту, што за 60 км ад сталіцы.
Як стала вядома пазней з паведамленняў мясцовых СМІ, ніхто з пасажыраў і членаў экіпажу не здолеў уратавацца.
На борце, як паведаміў кіраўнік Ethiopian Airlines, былі грамадзяне 22 краін. Найбольш — Кеніі, Эфіопіі і Канады. Былі таксама грамадзяне Кітая, Польшчы і Расіі. Пасажыры з беларускімі пашпартамі на борт не рэгістраваліся.