У Канадзе параўналі спажыванне марыхуаны да і пасля легалізацыі

Легалізацыя марыхуаны ў Канадзе практычна не паўплывала на колькасць людзей, якія яе ўжываюць, паведамляе канадскі тэлеканал CTV са спасылкай на агенцтва Staticstics Canada.

Апытанне насельніцтва паказала, што сярод канадцаў, старэйшых за 15 гадоў, каля 15 працэнтаў — прыкладна 4,6 мільёна чалавек — ужывалі канабіс за апошнія тры месяцы. Гэта колькасць амаль не змянілася з мінулага даследавання, якое праводзілася да легалізацыі.

Больш за палову з апытаных спажыўцоў прызналіся, што ўжывалі марыхуану, каб пазабаўляцца, чвэрць паведамілі, што ўжывалі яе ў медыцынскіх мэтах.

Трое з пяці спажыўцоў марыхуаны ў рэкрэацыйных мэтах карысталіся законнымі магчымасцямі яе куплі. Астатнія куплялі незаконна.

0

0

0

0

0

0