Жыхар Драгічына 10 гадоў плаціў аліменты не на сваіх трох дзяцей. А потым засумняваўся
sudexpert.gov.by
У праваахоўныя органы звярнулася 40-гадовая жыхарка Драгічына. Жанчына паведаміла, што больш за тры месяцы на працягу года яе былы муж ухіляецца ад выплаты сродкаў на ўтрыманне траіх непаўналетніх дзяцей. А плаціць ён меўся з 2008 года.
Была распачата крымінальная справа, паведамляе прэс-служба Дзяржкамітэта судовых экспертыз (ДКСЭ).
Мужчына сваю віну ва ўхіленні ад выплаты аліментаў не прызнаў. Ён заявіў, што сумняваецца ў сваім біялагічным бацькоўстве ў дачыненні да траіх дзяцей. Для вырашэння пытання па ўсталяванні бацькоўства была прызначаная генетычная экспертыза.
Вынікі ДНК-экспертызы расставілі ўсе кропкі над «i». Паводле заключэння эксперта ўпраўлення ДКСЭ па Брэсцкай вобласці, біялагічнае бацькоўства ў адносінах да траіх дзяцей выключана.
