Тэлеканал «Расія-24» расказаў пра «самага сучаснага» расійскага робата, а гэта быў чалавек у касцюме
У расійскім Яраслаўлі праходзіць форум «ПраеКТОрыЯ», дзе збіраецца «будучая інтэлектуальная эліта краіны». Туды сабралася больш за 500 школьнікаў з усёй Расіі.
На тэлеканале «Расія-24» выйшаў сюжэт, дзе гаварылася наступнае: «Магчыма, нехта з юнакоў прысвеціць сябе робататэхніцы. Тым больш, што на форуме ў іх ёсць магчымасць паглядзець на самых сучасных робатаў. Танцаваць робата Барыса ўжо навучылі. Прычым дастаткова някепска», — гаварылася ў рэпартажы.
Расійскія блогеры былі здзіўленыя, бо пра распрацоўку робата Барыса ніколі раней не паведамлялася. Простыя пошукі ў гугле паказалі, што гэта звычайны раставы касцюм «робата Алёшы». То бок гэта быў звычайны маскот, унутры якога знаходзіўся чалавек.
Первый день работы форума "Проектория" открыли 6 авторских уроков лучших педагогов Россииhttps://t.co/ON227RuGhzpic.twitter.com/YDeu8RW9un
Ролік ужо выдалілі з ютуба тэлеканала «Расія-24». Сказаць, што тэлевізійшчыкі не ведалі, што гэта чалавек, нельга, бо ў сацыяльных сетках яны змяшчалі фоткі, дзе ў «робата Барыса» выразна бачная шыя.
