Рабочыя выкідвалі смецце з акна ўніверсітэта ў Наваполацку і выпадкова забілі чалавека

Бяда здарылася раніцай 11 снежня.

У памяшканні Полацкага дзяржаўнага ўніверсітэта ішлі будаўнічыя працы. Рабочыя пазбаўляліся ад смецця проста — скідваючы яго на зямлю.

«А пасля мы глядзім ў акно — а на зямлі цела ляжыць. Труп», — паведаміў «Нашай Ніве» адзін са студэнтаў.

Фота з тэлеграм-канала studentyBY

Віцебская міліцыя пацвердзіла — загінуў 54-гадовы рабочы. На яго ўпалі парэнчы, якія выкінулі з чацвёртага паверха.

У самім універсітэце здарэнне не каментуюць.

Цяпер на месцы здарэння працуюць следчыя.

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0