У Слуцку жаніх па дарозе ў ЗАГС сутыкнуўся з міліцыянтам — і паскакаў на яго машыне ВІДЭА
Выпадак адбыўся ў Слуцку ў пятніцу, 19 кастрычніка. На відэа, якое апублікаваў kurjer.info, патрапіла сутыкненне машыны вясельнага картэжа і іншага аўтамабіля на вуліцы Віленскай, абодва рухаліся ў адным кірунку.
Жаніх ехаў у BMW. Кіроўца гэтай машыны рушыў з левай паласы ў правую. Па той жа паласе на высокай хуткасці ехала машына Saab.Па версіі ДАІ, BMW не саступіў дарогу аўтамабілю Saab супрацоўніка міліцыі.
У выніку жаніх, які знаходзіўся на пасажырскім сядзенні ў машыне картэжа і ехаў у ЗАГС на роспіс, страціў самакантроль, выйшаў з аўтамабіля і паскакаў па аўтамабілі Saab супрацоўніка міліцыі, пашкодзіўшы пры гэтым капот, дах і лабавое шкло (пашкоджанні апісаны па словах відавочцаў), перадае slutsk-gorod.by. З людзей ніхто не пацярпеў.
На гэтым канфлікт быў вычарпаны, кіроўца BMW і жаніх сваю віну прызналі. Па факце ДТЗ — адміністрацыйны пратакол, па факце пашкоджання аўтамабіля — крымінальная справа па артыкуле «хуліганства».
Абодва кіроўцы цвярозыя. Ніхто не пацярпеў.
Пра абставіны здарэння ў газету «Кур'ер» паведаміў адзін з чытачоў, ён жа падзяліўся запісам з відэарэгістратара. Мужчына пажадаў не называць сваё імя.
Па факце здарэння праводзіцца праверка.
