Пол Макартні ўзначаліў амерыканскі хіт-парад. Упершыню за 36 гадоў

Mary McCartney

Новы альбом сэра Пола Макартні «Egypt Station» узначаліў хіт-парад часопіса Billboard — афіцыйны музычны чарт ЗША. 

За першы тыдзень продажаў пласцінка разышлася накладам 153 тысяч асобнікаў. 

Для Макартні гэта восьмае падобнае дасягненне ў сольнай кар'еры. У мінулы раз альбом былога ўдзельніка The Beatles узначальваў амерыканскі чарт 36 гадоў таму — у 1982 годзе першы радок хіт-параду Billboard заняла яго пласцінка «Tug of War». 

У Вялікабрытаніі новы альбом Макартні заняў 3-е месца музычнага чарта. Апошні раз сэр Пол узначальваў брытанскі хіт-парад у 1989 годзе з пласцінкай «Flowers in the Dirt».

0

0

0

0

0

0