Тэмпература пачне паніжацца: сіноптыкі распавялі пра надвор'е ў выходныя
«У апошні дзень працоўнага тыдня надвор'е пачне мяняцца, тэмпературны фон пачне паніжацца і наблізіцца да сярэдніх шматгадовых значэнняў», — распавялі БелТА ў Белгідрамеце.
У пятніцу, 14 верасня, па поўдні краіны пройдуць кароткачасовыя дажджы, у асобных раёнах — навальніцы. Ноччу будзе +7—13, днём +15—21. Па паўднёвым усходзе краіны ноччу будзе +14—16, днём паветра прагрэецца да +22—27.
У суботу, 15 верасня, на большай частцы тэрыторыі пройдуць кароткачасовыя дажджы, у асобных раёнах навальніцы. Ноччу ад +6 па поўначы да плюс +15 па поўдні краіны. Днём будзе ў асноўным +14-21, па Гомельшчыне —+ 22-25
У нядзелю тэрыторыя краіны апынецца пад уплывам вобласці павышанага атмасфернага ціску, сфарміраванай у прахалоднай паветранай масе. Надвор'е палепшыцца, але стане халадней. Днём будзе +15—22.
