Былога галоўнага архітэктара Бабруйска за хабар асудзілі на 3 гады
Былога галоўнага архітэктара Бабруйскага гарвыканкама за хабар суд асудзіў на 3 гады калоніі, паведамілі БелТА ў прэс-службе Магілёўскага абласнога суда.
Суд Чэрыкаўскага раёна Магілёўскай вобласці прызнаў мужчыну вінаватым па ч.1, 2 арт.430 КК (атрыманне хабару і паўторнае атрыманне хабару). Яму прызначана канчатковае пакаранне ў выглядзе пазбаўлення волі на тэрмін у 3 гады з адбываннем у папраўчай калоніі ўзмоцненага рэжыму, з канфіскацыяй маёмасці і пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на тэрмін 5 гадоў. Прысуд не ўступіў у законную сілу, ён можа быць абскарджаны і апратэставаны.
Як паведамлялася, начальніка аддзела архітэктуры і горадабудаўніцтва Бабруйскага гарвыканкама па падазрэнні ў выкарыстанні службовых паўнамоцтваў у карыслівых мэтах затрымалі восенню 2017 года. Супрацьпраўныя дзеянні службовай асобы выявілі супрацоўнікі АБЭЗ УУС Бабруйскага гарвыканкама. Было ўстаноўлена, што мужчына прымаў ад дырэктараў фірмаў каштоўнасці ў якасці хабару за ўзгадненне архітэктурных праектаў.
