Шукаюць беларуса, які ні разу не быў за мяжой, каб адправіць яго ў Грузію
Нядаўна ў інтэрнэце з'явіўся сэрвіс вишлист.бел: на сайце збіраюць самыя папулярныя мары і шукаюць тых, хто іх можа выканаць. Проста зараз блогер і фатограф Максім Пушкін, у якога ў твітары 188 тысяч чытачоў, абірае беларуса, які ні разу не быў за мяжой, каб разам з «Баржомі» ажыццявіць яго мару і адправіцца ў Грузію.
Каб упершыню выехаць за мяжу ў сярэдзіне траўня, неабходна запоўніць ў інтэрнэце анкету і напісаць невялікі ліст пра сваю мару. Блогер абяцае прачытаць усе мэйлы і выбраць самы шчыры і пераканаўчы.
Кто никогда не был за границей? У меня для вас счастье-радость!
Переходим на https://t.co/6Tbxj4eHsU, пишем, почему ты хочешь полететь и как твоя жизнь изменится после поездки. 1 мая я объявлю победителя! Все бесплатно, без СМС и репостов!
Я полечу с тобой!✌️ #вишлист
Акрамя таго, любы паўналетні беларус можа на сайце падзяліцца ўсім спісам сваіх жаданняў — менавіта так з англійскай перакладаецца wishlist. Сэрвіс ужо знайшоў тых, хто ўвасобіць некаторыя з іх. Так, спартсменка Аліна Талай паабяцала пазнаёміць некалькі мінчан са сваім «Харлеем» і дапамагчы ім патрапіць у калону, якая адкрые мотасезон у гэтыя выходныя. Нехта зрабіў сваю першую татуіроўку, дзякуючы сайту, камусьці пашанцавала зрабіць на самалёце пятлю, нехта ператварыўся ў яркую бландзінку пасля наведвання салона Top Colors, у якім «мяняюць колер» усе мінскія знакамітасці.
Стваральнікі незвычайнай інтэрнэт-платформы кажуць, што ў аснове іх сэрвісу — ідэі папулярных міжнародных праектаў. Людзі па ўсім свеце складаюць спісы вялікіх і маленькіх спраў, якія яны абавязкова хацелі б паспець за жыццё. Як правіла, большасць запісаных або агучаных жаданняў аказваецца цалкам здзяйсняльнай. У цэнтры Мінска на сцяне дома з'явілася велізарная грыфельная дошка, на якой кожны можа пакінуць запіс, а таксама запрацаваў сэрвіс у інтэрнэце.
«Наша платформа задумана так, каб матываваць і натхняць беларусаў выконваць свае даўнія мары. Мы хацелі паказаць, як проста спрабаваць новае кожны дзень — дастаткова сказаць сабе «Руш!», — кажа Кацярына Кілбас, прадстаўнік «Баржомі» і арганізатар праекта. — Ужо ёсць тыя, хто гатовы рэалізаваць пяць першых папулярных жаданняў, яшчэ столькі ж мы плануем знайсці на працягу найбліжэйшых тыдняў. У стварэнні агульнага «Вішліста «Баржомі» можа паўдзельнічаць кожны, прапанаваўшы свой спіс спраў, якія трэба паспець зрабіць у жыцці».
Для таго, каб патрапіць у лік удзельнікаў праекта, трэба перайсці на сайт вишлист.бел і запоўніць свой персанальны «вішліст». На сайце ёсць нават такая функцыя, як «напамін»: можна выбраць прамежак часу, калі на пошту прыйдзе пісьмо і нагадае пра самае важнае, — ад 1 года да 10 гадоў.
