Пачаўся нераст. Расказваем, як лавіць рыбу, каб не нарвацца на штраф
Большасць рыб Беларусі нерасцяцца вясной. У гэты перыяд ёсць асаблівыя патрабаванні да рыбакоў.
У перыяд нерасту працуюць ахоўныя меры, якія забараняюць лавіць усе віды рыб.
Для Брэсцкай і Гомельскай абласцей гэты перыяд доўжыцца ад 20 сакавіка да 18 мая. Для Мінскай, Магілёўскай і Гродзенскай абласцей — ад 1 красавіка да 30 мая. Для Віцебскай вобласці — ад 10 красавіка да 8 чэрвеня.
Падчас нераставай забароны аматарскае рыбалоўства не забароненае, але абмежаванае. Рыбачыць можна толькі адной вудой з адным кручком ці спінінгам са штучнай прынадай. Можна выкарыстоўваць адзінарны, двайны ці трайны кручок.
Рыбачыць толькі з берагу, не заходзячы ў ваду, ці з ільду, штучных пабудоў толькі ў светлы час.
Выкарыстанне любых іншых прыладаў ці спосабаў расцэньваецца як парушэнне і цягне штраф ад 20 да 50 базавых велічынь (ад 490 да 1225 рублёў).
За рыбу, злоўленую забароненым спосабам, парушальнік выплаціць шкоду.
У перыяд нерасту шкода вымяраецца трайной таксай.
За шкоду на 100 і больш базавых могуць завесці крымінальную справу.
