МЗС: Інфармацыі пра беларусаў, якія загінулі ў Сірыі, няма
У аўторак МЗС РФ зрабіла заяву аб тым, што 7 лютага пад Дэйр-эз-Зорам пацярпелі дзясяткі грамадзян Расіі і краін СНД. Ці былі ў спісе параненых і загінулых беларусы, не ўдакладнялася.
Як паведаміў TUT.BY Дзмітрый Мірончык, прэс-сакратар МЗС Беларусі, дыпламаты зараз ўважліва адсочваюць сітуацыю ў Сірыі.
— На дадзены момант няма ніякай інфармацыі адносна грамадзян Беларусі сярод загінулых і параненых у выніку боесутыкнення ў Сірыі, — кажа Дзмітрый Мірончык.
Нагадаем, 20 лютага МЗС Расіі зрабіў заяву, што 7 лютага пад Дэйр-эз-Зорам пацярпелі дзясяткі грамадзян Расіі і краін СНД, ёсць і загінулыя.
«Ім было аказана садзейнічанне для вяртання ў Расію, дзе, наколькі нам вядома, яны праходзяць курсы лячэння ў розных медыцынскіх установах», — адзначаецца ў каментары МЗС РФ.