У Жодзіне пенсіянер прыйшоў у краму і застрэліў гандляра сантэхнікай, каб адпомсціць за дачку
Каля 11-й гадзіны раніцы 14 снежня ў жодзінскую краму па продажы сантэхнікі зайшоў немалады мужчына. Ён дастаў паляўнічую стрэльбу і забіў 46-гадовага гаспадара крамы. Пасля чаго ўбачыў на вуліцы міліцэйскі патруль і паведаміў, што забіў знаёмага.
63-гадовага мужчыну затрымалі.
Як тлумачыць мясцовы партал ex-Press.by, бізнэсам па продажы сантэхнікі валодаў прадпрымальнік Васіль [імёны зменены — Рэд.]. Ён пакінуў сямейную справу двум сынам, Антону і Уладзіміру.
Аднак некалькі гадоў таму Антон трапіў у аўтакатастрофу. Сам загінуў, а яго жонка Аксана засталася інвалідам з маленькім дзіцём на руках.
Тым не менш другі брат-бізнэсмен, Уладзімір, нібыта адсудзіў сабе не толькі бізнэс, але і кватэру загінулага брата.
І вось цяпер бацька Аксаны прыйшоў адпомсціць за дачку.
***
На тэлеграм-канал «Нашай Нівы» можна падпісацца тут.
