18-гадовы хлопца і яго сябра падазраюць у забойстве айчыма пад Шчучынам

У Шчучынскім раёне затрыманыя двое 18-гадовых хлопцаў. Іх падазраюць у забойстве 47-гадовага мужчыны.

Жыхарка аграгарадка Лешчанка ноччу 7 лістапада паведаміла аб тым, што ў яе доме памёр сужыцель.

Пры аглядзе цела эксперты выявілі прыкметы гвалтоўнай смерці. Сведчылі аб крымінальным характары гісторыі і сляды, знойдзеныя ў доме.

Следчыя і супрацоўнікі міліцыі высветлілі, што напярэдадні вечарам загінулы разам з сынам сужыцелькі знаходзіўся ў суседзяў, дзе распіваў спіртныя напоі, паведамілі ў СК.

Пазней сына жанчыны разам з яго сябрам затрымалі. Хлопца падазраюць у забойстве, меркаваны матыў — асабістыя непрыязныя адносіны.

Следства працягваецца. Калі хлопцаў прызнаюць вінаватымі, ім пагражае да 15 гадоў.

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0