Вясковец паказаў геніталіі тром бабулькам, якія нібыта яго абмяркоўвалі
Вяскоўца ў Рэчыцкім раёне за хуліганства і амаральныя паводзіны перад бабулькамі прысудзілі да штрафу і абмежавання волі.
Амаральныя паводзіны нецвярозага жыхара пасёлка Зарэчча выявілася ў тым, што ў чэрвеньскі дзень, праходзячы паўз трох пажылых жанчын, якія сядзелі на лавачцы, ён паказаў ім свае геніталіі.
Як скажа затым абвінавачваны на судзе (была заведзена крымінальная справа), у яго быў дрэнны настрой і яму здалося, што пенсіянеркі яго абмяркоўваюць. Але на гэтым ўзаемаадносіны з крыўдзіліцамі не скончыліся.
Месяцам пазней, сустрэўшыся ўсё з тымі ж пенсіянеркамі, вясковец ізноў у нецвярозым стане пачаў скакаць перад імі, размахваць рукамі. Адна з жанчын, якая хацела сысці, апынулася на асфальце. Пакуль яна падымалася, ён пераключыўся на другую бабульку, спрабуючы яе ўтрымаць.
«На судзе абвінавачваны цалкам прызнаў сваю віну», — паведамляюць у раённай пракуратуры.
У якасці пакарання за два эпізоды яго прысудзілі да штрафу 40 базавых велічынь (920 рублёў) і абмежавання волі тэрмінам на два гады без накіравання ў выпраўленчую ўстанову адкрытага тыпу.
