КНДР паабяцала ЗША «нечуваны ўдар» у «нечаканы момант»
KCNA / Reuters
Злучаныя Штаты павінны быць гатовыя да таго, што сутыкнуцца з «нечуваным ударам» у «нечаканы момант». Пра гэта гаворыцца ў заяве Пхеньяна з нагоды распачатых на гэтым тыдні сумесных вайсковых вучэнняў ЗША і Паўднёвай Карэі ля берагоў Карэйскага паўвострава, якую апублікавала паўночна-карэйскае агенцтва ЦТАК.
«Цяпер, калі ворагі сцвярджаюць, што вучэнні стануць дэманстрацыяй рэальнага ўдару па КНДР, яны павінны ведаць, што самыя жорсткія контрмеры ў карэйскім стылі цалкам гатовыя да таго, каб развеяць цэлі як дым адзіным ударам», — сказана ў заяве.
«Што яшчэ горш, ЗША прыцягнулі проста пад наш нос цэлі, якія мы вызначылі як галоўныя. ЗША павінны ведаць, што сутыкнуцца з нечуваным ударам у нечаканы момант», — падкрэсліваецца ў заяве.
