Якія вуліцы перакрыюць з-за закрыцця байксезона ў суботу
У сувязі з закрыццём мотасезона ў Мінску абмяжуюць рух на некаторых вуліцах 15—16 верасня, паведамляе Tut.by.
Так, 15 верасня, з 23.00 да 02.00 наступнага дня, будзе часова абмежаваны рух транспарту па праспекце Пераможцаў на ўчастку ад праспекта Машэрава да праспекта Незалежнасці.
Адначасова з гэтым, 16 верасня, з 14.00 да 14.15 і з 17.00 да 17.15, таксама будзе часова абмежаваны рух транспарту па праспекце Пераможцаў на ўчастку ад праспекта Машэрава да праспекта Незалежнасці ў сувязі з правядзеннем дрыфт-шоу пілотаў і спартсменаў на матацыклах Harley Davidson.
Раварыстам таксама абмяжуюць рух па веладарожцы 16 верасня, з 9.00 да 21.00, уздоўж праспекта Пераможцаў на ўчастку ад будынка КСРУП «Палац спорту» па праспекце Пераможцаў, 4 да будынка ўстановы «Рэспубліканскі цэнтр фізічнага выхавання і спорту навучэнцаў і студэнтаў» па праспекце Пераможцаў, 2.
