Расія паставіла ў Беларусь шэсць верталётаў Мі-8 і батарэю «Тор-М2»
Шэсць верталётаў Мі-8МТВ-5 і батарэю зенітнага ракетнага комплексу «Тор-М2» атрымала Беларусь ад Расіі ў 2017 годзе. Пра гэта распавёў камандуючы ВПС і войскамі СПА Узброеных сіл Беларусі генерал-маёр Ігар Голуб, паведамляе ТАСС.
«У рамках ваенна-тэхнічнага супрацоўніцтва для нарошчвання нашай адзінай рэгіянальнай групоўкі мы ў першым паўгоддзі гэтага года па раней падпісаных кантрактах з Расіі атрымалі на ўзбраенне шэсць верталётаў Мі-8МТВ-5, чацвёртую батарэю зенітнага ракетнага комплексу «Тор-М2», - распавёў ён.
Таксама Мінабароны Беларусі заключыў кантракт з навукова-вытворчай карпарацыяй «Іркут» на пастаўку 12 самалётаў Су-30см з 2018 па 2020 год і кантракт на пастаўку радыёлакацыйных станцый «Супернік-ГЕ», адзначыў Голуб.
Ён таксама падкрэсліў, што ўсе гэтыя мерапрыемствы накіраваны на нарошчванне адзінай рэгіянальнай групоўкі войскаў і сіл.