Трамп прапанаваў адмовіцца ад візавай латарэі Green Card
Амерыканскі лідар Дональд Трамп прапанаваў іміграцыйны законапраект RAISE, які прадугледжвае адмову ад візавай латарэі Green Card. Інфармацыя пра гэта была апублікаваная 2 жніўня на афіцыйнай старонцы сенатара-рэспубліканца Тома Котана, які з'яўляецца адным з аўтараў дакумента.
У паведамленні адзначаецца, што існуючая раней сістэма састарэла, яна не адпавядае эканамічным і гуманітарным інтарэсам краіны. Таксама ў заяве гаворыцца, што Злучаныя Штаты Амерыкі хочуць адчыніць дзверы таленавітым людзям з усяго свету, а гэта запатрабуе змяненняў правілаў уезду.
У законапраекце RAISE агаворваецца ўкараненне сістэмы балаў для імігрантаў. Тыя, хто зможа набраць больш балаў, будуць карыстацца прыярытэтам. На думку аўтараў дакумента, такія людзі змогуць палепшыць амерыканскую эканоміку, атрымаўшы поспех у сваёй прафесіі. Ліміт людзей, якіх змогуць прыняць ЗША для пастаяннага пражывання, складзе 50 тыс. на год.
Праграма пад назвай Diversity Visa (вядомая ў нас як Green Card) працуе ў ЗША ад 1990 года. Штогод па гэтай праграме від на жыхарства з правам працаўладкавання ў ЗША атрымліваюць 55 тысяч замежнікаў.