У панядзелак быў пабіты тэмпературны рэкорд дня 55-гадовай даўніны
Тэмпературны рэкорд дня пабіты ў Беларусі 7 снежня.
У Івацэвічах (Брэсцкая вобласць) слупок тэрмометра ўзняўся да адзнакі 11,6 градуса цяпла. Гэта на 1,6 градуса вышэй за ранейшы абсалютны максімум, які быў зарэгістраваны ў Жыткавічах (Гомельская вобласць) 7 снежня 1960 года. У саміх Жыткавічах паветра прагрэлася да 10,7 градуса. У Івацэвічах ранейшы рэкорд дня складаў плюс 7,6 градуса (у 2006 годзе).
Пабітыя рэкорды ў сталіцы і ва ўсіх абласных цэнтрах
У Віцебску тэмпература дасягнула 8,6 градуса (было 7,8 у 2006 годзе), у Мінску — 8,8 (7,3 у 2006 годзе), Гродне — 9,4 (8,3 у 2006 годзе), Магілёве — 9,5 (7,3 у 1961 годзе), Брэсце — 10,5 (9,9 у 1960 годзе), Гомелі — 11 (8,5 у 1960 годзе).
Абсалютны максімум снежня — плюс 14,5 градуса (5 снежня 1961 года ў Брэсце).
