Dziaržaŭnaja dola AAT «Alesia» moža być pradadzienaja
Dziaržavie naležać 99,9% akcyj.
Dziaržaŭnaja dola trykatažnaha AAT «Alesia» (Minsk) moža być vystaŭlena na prodaž, paviedamiŭ na
Jon adznačyŭ, što ŭ 2005 hodzie «Alesia» była na miažy bankructva. U adpaviednaści z ukazam prezidenta, pradpryjemstvu była akazana dapamoha na 600 tys. jeŭra. Ciapier 99,9% akcyj naležać dziaržavie ŭ asobie Minharvykankama i «Biellehprama». «Niahledziačy na vialikuju dolu, dziaržava nie pieraškadžaje raźvićciu pradpryjemstva, a, naadvarot, zaŭsiody padtrymlivaje i ŭ ciažkija momanty, i pry stabilnaj pracy, — skazaŭ Astroŭski. — Padkazvajem, raim, dapamahajem, ale hałoŭnaje, nie pieraškadžajem».
«Alesia» maje dobruju budučyniu, — ličyć pieršy namieśnik staršyni kancerna. — Niesumnienna, dola dziaržavy kaliści budzie vystaŭlacca na prodaž. Ja dumaju, i sam kalektyŭ budzie naroščvać prybytak, i vykuplać akcyi. Ale my nie vyklučajem, što pryjduć siudy inviestary, ale nie tyja, jakija zacikaviacca nieruchomaściu ŭ centry horada. Nie meta kancerna arhanizavać tut niejkaje kazino, a meta — raźvićcio hetaha pradpryjemstva, naroščvańnie abjomu vytvorčaści i sacyjalnaja padtrymka kalektyvu».
«Alesia» zasnavana 50 hadoŭ tamu, akcyjaniravanaje pradpryjemstva ŭ 2000 hodzie. Asnoŭny vid dziejnaści — vytvorčaść i realizacyja vierchnich trykatažnych vyrabaŭ dla žančyn, mužčyn, dziaciej. U 2011 hodzie było vypuščana 316 tys. vyrabaŭ, atrymany čysty prybytak 1 młrd. 954 młn. rubloŭ, rentabielnaść skłała 33,7%, ekspartavana pradukcyi na 1,1 młn dalaraŭ. Na pradpryjemstvie pracuje kala 400 čałaviek. Mahutnaści zahružanyja na 74,7%.