U Mahiloŭskaj vobłaści pačaŭsia navučalny zbor z terabaronaj. Jon budzie doŭžycca da kanca miesiaca
Kiravać zboram buduć staršyni Mahiloŭskaha haradskoha i Bychaŭskaha rajonnaha vykanaŭčych kamitetaŭ. U chodzie zboru płanujecca pryzvać kala 120 vajennaabaviazanych, piša BiełTA.
Ilustracyjnaje fota ahienctva «Vajar»
Padčas zboru budzie adpracavany pryjom vajennaabaviazanych terytaryjalnych vojskaŭ i ich zabieśpiačeńnie z vykarystańniem resursaŭ miascovaj bazy mabilizacyjnaha razhortvańnia, adnaŭleńnie navykaŭ kamandnaha składu ŭ kiravańni padnačalenymi, padrychtoŭka da vykanańnia zadač u adpaviednaści z vajenna-ŭlikovymi śpiecyjalnaściami i słužbovym pryznačeńniem, a taksama farmavańnie atradaŭ narodnaha apałčeńnia.
U zaviaršeńnie zboru buduć praviedzienyja kamandna-štabnyja vučeńni ź siłami terabarony Bychaŭskaha rajona.
Čytajcie taksama:
«Hety abjekt maje važnaje značeńnie». U Rahačovie praviaduć vučeńni z uzmocnienym KPP
