U Polščy biełarusu anulavali vizu, bo jon uładkavaŭsia na pracu ŭ Litvie
20 krasavika padčas pravierki zakonnaści znachodžańnia inšaziemcaŭ pamiežniki ŭ niamieckim Ludvihsdorfie pravieryli 56-hadovaha hramadzianina Biełarusi, jaki jechaŭ u Hiermaniju na furhonie Ford ź litoŭskimi rehistracyjnymi numarami. Pra heta paviedamiła pamiežnaja słužba Polščy.
Kiroŭca padaŭ dla pravierki biełaruski pašpart razam ź dziejnaj polskaj vizaj. Viza vydavałasia dla pracy ślesaram u Polščy. Adnak, jak vyśvietliłasia, mužčyna nie ŭładkavaŭsia na hetuju pracu i navat nie sprabavaŭ vyjści na kantakt z pracadaŭcam. Zamiest hetaha hramadzianin Biełarusi ŭładkavaŭsia kiroŭcam u litoŭskuju transpartnuju kampaniju.
Pakolki meta znachodžańnia biełarusa ŭ Polščy nie adpaviadała zajaŭlenaj, supracoŭniki pamiežnaj słužby zatrymali mužčynu, anulavali jahonuju vizu i vynieśli rašeńnie, jakoje abaviazvaje taho viarnucca ŭ Biełaruś na praciahu 30 dzion.
Taksama biełarusu zabaranili paŭtorny ŭjezd u Polšču i inšyja krainy Šenhienskaha pahadnieńnia terminam na 1 hod.
Čytajcie taksama:
Litva pradoŭžyła sankcyi suprać hramadzian Biełarusi. Jość taksama novyja vizavyja abmiežavańni
Šenhien dla biełarusaŭ: mahčymyja varyjanty, košt pytańnia i historyi z žyćcia
«Polski vizavy centr — prosta ździek». Novyja praviły zapisu na vizu z sełfi dadali prablem
