Va Uźbiekistanie adkryjuć centry moŭnaj padrychtoŭki budučych pracoŭnych mihrantaŭ. Ruskaj navučać nie buduć
U śpisie zapatrabavanyja movy — anhlijskaja, niamieckaja, japonskaja, karejskaja i arabskaja.
Samarkand
Va Uźbiekistanie stvorać centr pa navučańni hramadzian zamiežnym movam i metavaj padrychtoŭcy da pracy za miažoj. Adpaviednaja pastanova ŭrada pryniataja 17 krasavika, paviedamlaje Miniust Uźbiekistana.
Adnoj z asnoŭnych zadač centra źjaŭlajecca arhanizacyja pracesaŭ adboru pracadaŭcami hramadzian Uźbiekistana, jakija chočuć pracavać za miažoj. Ich buduć vučyć prafiesijam i zamiežnym movam.
U ramkach navučalnych kursaŭ navučency buduć vyvučać anhlijskuju, niamieckuju, japonskuju, karejskuju, arabskuju i inšyja zapatrabavanyja zamiežnyja movy. Vyhladaje, što ruskaj movy ŭ śpisie niama.
U 2010-ja u škołach Uźbiekistana na ruskaj movie navučałasia 9-10% vučniaŭ.
Ruskuju movu rodnaj ličać kala 3% žycharoŭ krainy.
