Pačalisia litoŭska-polskija vajskovyja vučeńni ŭ Suvałkskim kalidory
Uzbrojenyja siły Litvy i Polščy 21 krasavika pačali sumiesnyja taktyčnyja vučeńni «Advažny hryfon» u rajonie Suvałkskaha kalidoru. U hetych vučeńniach taksama prymuć udzieł sajuźniki z ZŠA i Partuhalii, piša LRT.
Ilustracyjny zdymak. Fota: AP Photo / Mindaugas Kulbis
Pa paviedamleńni vajskovaj pres-słužby, padčas vučeńniaŭ 1,5 tys. vajskoŭcaŭ piachotnaj bryhady «Žemajcija» im. Vialikaha hietmana Litoŭskaha Jana Chadkieviča sumiesna z sajuźnikami aprabujuć abarončyja scenary ŭ tak zvanym Suvałkskim kalidory ŭ adpaviednaści z dvuchbakovym litoŭska-polskim «Aršanskim płanam».
Hety płan u 2022 hodzie padrychtavali kamandujučyja litoŭskaj i polskaj armijami, bolšaja jaho častka zasakrečana.
Suvałkski kalidor — heta pamiežny ŭčastak pamiž Litvoj i Polščaj, jaki z zachadu miažuje z Kalininhradskaj vobłaściu, a z uschodu — ź Biełaruśsiu.
Vučeńni praciahnucca da 26 krasavika.
Adnačasova ŭ Litvie praciahvajucca vučeńni «Udar miača», arhanizavanyja Uzbrojenymi siłami ZŠA.
Čytajcie taksama:
«Voziera NATA». Jak Zachad pieramoh Rasiju ŭ Bałtyjskim mory biez adzinaha strełu
