Rajoncy zabaranili drukavać źviestki pra novanarodžanych
Centr piersanalnych źviestak paviedamiŭ pra situacyju, jakaja adbyvałasia ŭ adnym ź nienazvanych rajonaŭ Biełarusi. Adtul pryjšła skarha na dziejnaść rajonnaha adździeła ZAHS i redakcyju miascovaj haziety.
U skarzie paviedamlałasia, što na internet-sajcie haziety, nie pytajučysia zhody baćkoŭ, štomiesiac publikujucca naviny pra novanarodžanych, jakich zarehistravaŭ adździeł ZAHS, z paznačeńniem proźvišča, imia i daty naradžeńnia dziciaci.
Miž tym pavodle zakanadaŭstva raspaŭsiudžvańnie piersanalnych źviestak, jak taksama i inšaja ich apracoŭka, mahčymyja tolki sa zhody samoha čałavieka ci jahonych pradstaŭnikoŭ abo ŭ vypadkach, praduhledžanych zakanadaŭčymi aktami.
Rajonka, jak kanstatujecca, zakanadaŭstva parušaje, tamu joj zahadali takuju praktyku spynić, što hazieta i zrabiła.
Čytajcie taksama:
Pry rajonkach masava źjaŭlajucca škoły błohieraŭ — pahladzieli, jaki kantent jany pradukujuć