Rasijski vajskoviec zhvałciŭ uciakačku z Ukrainy. Jana naradziła dzicia i pakinuła jaho ŭ śmiećcievym baku
Adpaviednuju spravu pačali ŭ «adnym z paŭdniovych haradoŭ Rasii», daviedałasia «Novaja hazieta Bałtija». Vydańnie nie ŭdakładniaje, dzie heta było mienavita, a taksama nie nazyvaje imia paciarpiełaj žančyny ŭ metach biaśpieki. Pra zhvałtavańnie vydańniu raskazała advakatka žančyny pa pryznačeńni; jaje imia taksama nie paviedamlajecca, piša «Mieduza».
Kałaž: 24tv.ua
Pavodle najaŭnaj infarmacyi, žycharka Ukrainy vyjechała ŭ Rasiju ŭ žniŭni 2022 hoda paśla taho, jak rasijskija vajskoŭcy razburyli jaje horad. Daviedaŭšysia pra ciažarnaść, paciarpiełaja nie navažvałasia na abort — u tym liku i tamu, što «niejki psichołah» joj skazaŭ, što «tut niama adzinaha dakładnaha rašeńnia, napałovu hetaje dzicia ŭsio ž tvajo».
Žančyna naradziła dzicia ŭ sakaviku 2023 hoda ŭ kvatery svajakoŭ, u jakoj žyła. Na nastupny dzień jana vykinuła niemaŭla ŭ śmiećcievy bak.
Paśla taho jak dzicia znajšła miascovaja žycharka, maci adsačyli pa kamierach. Ciapier jaje abvinavačvajuć u zamachu na zabojstva małaletniaha, pa hetym artykule joj pahražaje da 20 hadoŭ pazbaŭleńnia voli. U jakaści miery strymańnia sud abraŭ aryšt u SIZA.
Ukrainskaja prakuratura, pavodle źviestak na sakavik 2023 hoda, rasśleduje jak minimum 171 vypadak seksualizavanaha hvałtu rasijskich vajskoŭcaŭ nad ukrainkami i ŭkraincami. Uzrost paciarpiełych ad hvałtu, jak paviedamlała AAN, varjirujecca ad 4 da 82 hadoŭ.
Čytajcie taksama:
Pamiłavany Pucinym za ŭdzieł u vajnie hvałtaŭnik zatrymany za hvałt nad 14-hadovaj školnicaj
«Budzieš palavoj žonkaj». Žančyn na vajnie «raźmiarkoŭvajuć» dla ŭciech aficeraŭ
«Ukrainskich bab hvałtuj». Takuju instrukcyju rasijski desantnik Raman Bykoŭski atrymaŭ ad žonki
