Jahor Šaranhovič pabiŭ biełaruski rekord u NCHŁ
Forvard zakinuŭ siońnia svaju 31 šajbu ŭ siezonie i pa vynikovaści abyšoŭ Michaiła Hraboŭskaha.
Jahor Šaranhovič. Fota: twitter.com/NHLFlames
U matčy rehularnaha čempijanatu Nacyjanalnaj chakiejnaj lihi jaho «Kałhary» doma pieramoh «Aryzonu» ź likam 6:5. Jahor Šaranhovič zakinuŭ 31-y hoł u siezonie.
U hetym siezonie ŭ Šaranhoviča 80 hulniaŭ, 59 (31 šajbaŭ + 28 halavych pasaŭ) vynikovych bałaŭ.
Takim čynam Jahor pabiŭ biełaruskaje dasiahnieńnie Michaiła Hraboŭskaha pa bałach (59) za adzin siezon u NCHŁ.
Hraboŭski ŭ siezonie-2010/2011 u składzie «Taronta» nabraŭ 58 (29+29) bałaŭ, ale ŭ 81 hulni.
«Kałhary» zastałosia pravieści dźvie hulni da kanca rehularnaha čempijanatu, ale kłub nie maje šancaŭ na vychad u płej-of.
Čytajcie taksama:
Šaranhovič upieršyniu ŭ karjery nabraŭ čatyry bały za matč i pryznany pieršaj zorkaj hulni
19-hadovy biełaruski forvard padpisaŭ kantrakt z «Anachajmam» z NCHŁ
