Na Smalenščynie pavaliŭsia most, zabłakavany ruch ciahnikoŭ ź Biełarusi
U Viaźmie Smalenskaj vobłaści pavaliŭsia Paninski most. U vyniku hetaha zabłakavany ruch ciahnikoŭ na linii Maskva-Minsk.
Sa słoŭ miascovych žycharoŭ, abvalilisia čatyry praloty, jakija prachodzili nad čyhunačnymi puciami Maskva — Minsk. Ruch z abodvuch bakoŭ spynieny. Taksama abarvanyja pravady elektrasietak i paškodžanaja hazavaja truba. Pahrozy vybuchu, papiarednie, niama.
Padčas avaryi paciarpieli ludzi, jakija znachodzilisia ŭ aŭtamabili i hruzaviku, što ŭpali razam z mostam. RBK sa spasyłkaj na MNS paviedamlaje, što zahinuła žančyna, jakaja znachodziłasia ŭ lehkavym aŭtamabili. Mužčyna z hruzavoha aŭtamabila znachodzicca ŭ ciažkim stanie.
Zbudavańnie złučała častku horada z pramysłovym centram. U 2018 hodzie jaho płanavali adramantavać, na heta zakładali kala 10 miljonaŭ rasijskich rubloŭ.
Čytajcie taksama:
U Rasii znoŭ zahareŭsia aŭtobus MAZ
Mer rasijskaha Arenburha zaklikaŭ terminova pakinuć damy z-za niebiaśpiečnaha ŭzroŭniu vady
