Što viadoma pra biełaruskaha aktyvista Mikałaja Alaksiejeva, jakoha ŭ Karelii zabiła FSB
Vypusknik Biełaruskaha dziaržaŭnaha piedahahičnaha ŭniviersiteta ŭ 2020 hodzie ŭklučyŭsia ŭ pratesnuju dziejnaść.
6 sakavika 2024 hoda ŭ Karelii pry pakul niezrazumiełych abstavinach byŭ zabity biełarus Mikałaj Alaksiejeŭ. Rasijskija ŚMI paviedamlajuć, što jaho pry zatrymańni zabili supracoŭniki FSB.
Što viadoma pra Mikałaja Alaksiejeva?
Miarkujučy pa staroncy «Ukantakcie», jamu 49 hadoŭ. Na avatarcy staić Pahonia, siarod apošnich ilustracyj śviečka ŭ pamiać pra Alaksieja Navalnaha, a taksama zdymki ź biełaruskich pratestaŭ-2020.
Alaksiejeŭ vučyŭsia ŭ škole ŭ Viciebsku, tam ža skončyŭ PTV, a paśla pastupiŭ u Biełaruski piedahahičny ŭniviersitet imia Maksima Tanka. Tam vučyŭsia na fakultecie ruskaj fiłałohii.
U ankiecie paznačana čaćviora dziaciej. Starejšy syn užo darosły, małodšamu 7 hadoŭ.
Vyhladaje, što da padziej 2020 hoda Alaksiejeŭ pracavaŭ trenieram pa jozie.
Paśla aktyŭna ŭklučyŭsia ŭ pratesnuju dziejnaść.
«Hanarusia svajoj krainaj! Hanarusia ludźmi! Najlepšyja momanty nie ŭvajšli ŭ kadr — nie da taho było. Nas siońnia było kala 300 tysiač! Tolki ŭ Minsku! I chaj heta jašče nie kančatkovaja pieramoha, ale my pieramožam! Hałoŭnaje nie zdavacca!!!! I nie zabyvać, što my — NAROD!!!!», — napisaŭ Mikałaj 16 žniŭnia 2020 hoda.
Śvietapohladam Alaksiejeva paznačany łozunh «Za svabodnuju Biełaruś».
Čytajcie taksama:
U Karelii pry zatrymańni FSB zabiła biełarusa. Jaho zapadozryli ŭ padrychtoŭcy dyviersii
«FSB zabrała telefon u mamy». Syn zabitaha ŭ Karelii biełarusa raskazaŭ, što adbyvajecca
